"Челси"нинг собиқ бош мураббийи Маурисио Почеттинони "Манчестер Юнайтед"да ишлаш истиқболи қизиқтирмоқда.
Лондон клуби сешанба куни 52 ёшли мутахассис билан шартномани бекор қилганини расман эълон қилди. Бироздан кейин маълум бўлишича, "Манчестер Юнайтед" Эрик тен Хагни истеъфога чиқаришга қарор қилса, аргентиналикка мурожаат қилиши мумкин. Talksport хабарига кўра, "қизил иблислар" бошқарувига тайинланиш вариантига Почеттинонинг ўзи ҳам қизиқмоқда.
Маурисио Почеттино ўтган ёздан бери "Челси"да ишлаётганди. Унинг қўл остида “кўклар” Англия кубоги ярим финали ва Лига кубоги финалигача етиб борди ва Премьер-лигада олтинчи ўринни эгаллади.
