“Штутгарт” бош мураббийи Себастьян Хёнес иш жойини ўзгартириш ниятида эмас. "Челси" сешанба куни Маурисио Почеттинони ишдан олганини эълон қилди.

Ўтган мавсумда "Штутгарт"да ажойиб иш олиб борган Хёнес аргентиналикнинг мумкин бўлган ворисларидан бири сифатида қайд этилди. Инсайдер Фабрицио Романонинг сўзларига кўра, "кўклар" раҳбарияти 42 ёшли германияликнинг қобилиятини ҳақиқатан ҳам қадрлайди, бироқ у ҳалигача ўз клубини тарк этиш ниятида эмас.

Мураббий аллақачон "Бавария"дан бош тортган ва Почеттинонинг кетиши ҳақидаги хабардан кейин ўз қарорини ўзгартирмоқчи эмас. “Штутгарт” сўнгги мавсум Бундеслигада “Бавария”ни ортда қолдириб, иккинчи ўринни эгаллади.