“Shtutgart” bosh murabbiyi Sebastyan Xyones ish joyini o‘zgartirish niyatida emas. "Chelsi" seshanba kuni Maurisio Pochettinoni ishdan olganini e’lon qildi.
O‘tgan mavsumda "Shtutgart"da ajoyib ish olib borgan Xyones argentinalikning mumkin bo‘lgan vorislaridan biri sifatida qayd etildi. Insayder Fabrisio Romanoning so‘zlariga ko‘ra, "ko‘klar" rahbariyati 42 yoshli germaniyalikning qobiliyatini haqiqatan ham qadrlaydi, biroq u haligacha o‘z klubini tark etish niyatida emas.
Murabbiy allaqachon "Bavariya"dan bosh tortgan va Pochettinoning ketishi haqidagi xabardan keyin o‘z qarorini o‘zgartirmoqchi emas. “Shtutgart” so‘nggi mavsum Bundesligada “Bavariya”ni ortda qoldirib, ikkinchi o‘rinni egalladi.
