"Арсенал"нинг собиқ футболчиси Пол Мерсон Лондоннинг "Челси" клуби раҳбариятининг аргентиналик мутахассис Маурисио Почеттинони ишдан бўшатиш ҳақидаги қароридан норозилигини билдирди.
“У кетганига ишонолмайман. Бу қарорларни ким қабул қилади? Улар уни қандай алмаштирмоқчи? У фақат жамоа ўйинини яхшилади – улар олтинчи ўринни эгаллаб, еврокубокларга йўлланма олди. Бу ақлдан оздирадиган қарор бўлди. Қулоқларимга ишона олмайман", - дея Мерсон сўзларини келтиради Sky Sports.