"Бавария"нинг собиқ футболчиси Лотар Маттеус "Реал" ва Германия терма жамоаси ярим ҳимоячиси Тони Крооснинг фаолиятини якунлагани ҳақидаги хабарга муносабат билдирди.
34 ёшли Тони 2024 йилги Европа чемпионатида иштирок этганидан кейин фаолиятини якунлайди.
“Кроос, эҳтимол, энг буюк немис футболчисидир. У жаҳон чемпионатида ғолиб чиқди ва кўп марта Чемпионлар лигасида зафар қучди.
У Европа чемпионлигини қўлга киритиши мумкин. Бу кетиш учун тўғри вақт”, — дея Маттеус сўзларидан иқтибос келтиради журналист Максимилиан Кох ижтимоий тармоқларида.
