"Катта Дубулға" турнирларининг 22 карра чемпиони, жаҳоннинг собиқ биринчи рақамли теннисчиси испаниялик Рафаэль Надаль 2025 йилда ҳам теннисда қолиши мумкин. Бу ҳақда Clay Tenis хабар бермоқда.
Манбага кўра, Надаль бу йил турли жароҳатлар туфайли тўлиқ ўйнай олмагани учун 2025 йилда ҳам фаолиятини давом эттирмоқчи.
Эслатиб ўтамиз, жорий мавсумда Надаль 11 та расмий ўйин ўтказиб, уларнинг 7 тасида ғалаба қозонган. Рафаэль Брисбенда (Австралия) Жордан Томпсон, Барселонада (Испания) Алекс де Минаур, Мадридда (Испания) Жири Легечка ва Римда (Италия) Хуберт Хуркачга ютқазди.
Аввалроқ Надаль жорий мавсум якунида профессионал фаолиятини якунлашни режалаштираётганини айтганди.
