Лондоннинг "Челси" клуби дарвозабони Роберт Санчес Маурисио Почеттинонинг клуб бош мураббийлигидан кетиши ҳақидаги хабарга изоҳ берди.

Эслатиб ўтамиз, аргентиналик мутахассис "кўклар" билан ўзаро келишув асосида хайрлашди.

"Бутун мавсум ва менга берган маслаҳатларингиз учун раҳмат. Сиз билан ишлаш ҳақиқатан ҳам ҳаяжонли эди. Умид қиламанки, келажакда йўлларимиз яна кесишади", - деб ёзди Санчес ижтимоий тармоқларида.

Санчес мавсумни "Челси"нинг асосий дарвозабони сифатида бошлади, аммо кейин жароҳат олди ва Жорж Петровичга имкониятни бой берди. Роберт ўтган ёзда "Брайтон"дан "кўклар" сафига келиб қўшилган эди.