Англия терма жамоаси бош мураббийи Гарет Саутгейт келажаги ҳақида фикр билдирди. Саутгейтдан унинг келажаги ўзига боғлиқми ёки бу қарорни футбол ассоциацияси қабул қиладими, деб сўрашди.
"Менимча, бу иккаласига ҳам боғлиқ. Биз ҳар доим шундай ишлаганмиз. Лекин ҳақиқат шуки, биз бор эътиборимизни бўлажак турнирга қаратганмиз.
Мен бу ерда 10 йилдан ортиқ ишладим ва ҳа, менинг мақсадим турнирларда ғолиб чиқиш. Бизда Евро-2024 якунланмагунча ўйлайдиган ҳеч нарса йўқ.
Балки турнирдан сўнг нафақага чиқиб, умуман ҳеч нарса қилмасман", - дея Саутгейтнинг сўзларини келтиради Goal.
