Дам олиш кунларида Роберто де Зерби "Брайтон" мураббийи сифатида сўнгги ўйинини ўтказди. Энди италиялик мутахассис кўтарилиб, юқори мақомли клубга ўтиши мумкин.
Журналист Алфредо Педулланинг ижтимоий тармоқларда ёзишича, Де Зербининг орзуси “Манчестер Юнайтед” бош мураббийи бўлиш.
Эслатиб ўтамиз, май ойи охирида “Манчестер Юнайтед” Эрик тен Хаг билан хайрлашиши мумкин. Матбуот “қизил иблислар” Англия кубоги финалида “Манчестер Сити”га қарши ўйинда ғалаба қозонган тақдирда ҳам нидерландиялик мураббийнинг истеъфога чиқарилишини ёзган эди.
