"Барселона" дарвозабони Марк-Андре тер Штеген Тони Крооснинг футболчилик фаолиятини якунлаш ҳақидаги қарорига изоҳ берди.
"Реал Мадрид"нинг 34 ёшли ярим ҳимоячиси Германия терма жамоасида Евро-2024да ўйнаганидан сўнг бутсаларини михга осади.
“Ёрқин карьера билан табриклайман! Сиз тарих яратдингиз ва йиллар давомида эришган нарсаларингиз билан чексиз фахрланишингиз мумкин. Яқинда Германия терма жамоаси билан охирги рақсда кўришгунча", — деб ёзди тер Штеген ижтимоий тармоқларда.
Германия терма жамоасининг ўз уйида бўлиб ўтадиган Европа чемпионати гуруҳ босқичидаги рақиблари Шотландия, Венгрия ва Швейцария терма жамоалари бўлади.
