Эксперт ҳакамлар комиссияси қарори: Илгиз Танташев пенальти бермаган, Тўрабек Суюнов ва Султонмурод Абдураҳмонов ҳам хатога йўл қўйган (видео)

Суперлига 2024 йилги мавсумнинг 8-тури якунига етди. Ўзбекистон футбол ҳакамлари маркази тур якунларига кўра, Эксперт-ҳакамлар комиссиясининг навбатдаги йиғилишини ўтказди ва тур доирасида кузатилган баҳсли вазиятлар таҳлил қилинди. 8-тур доирасида ўтказилган ўйинларда жами ўн битта баҳсли вазият юзага келди. Ҳакамлар 3 ҳолатда хатога йўл қўйган.

“Андижон” — “Металлург” баҳсининг 18-дақиқасида майдон эгаларининг 66-рақамли футболчиси эҳтиётсизлиги сабаб меҳмонлар вакили оёғининг ҳимояланмаган қисмига шикаст етказди. Бош ҳакам Султонмурод Абдураҳмонов бу ҳолатда андижонликлар ҳимоячисига сариқ карточка кўрсатди.

Эксперт-ҳакамлар комиссияси қарорига биноан ушбу вазиятда футболчи рақибига ўта кескин тарзда буцасининг таг қисми билан зарба берган ва унга жиддий жароҳат етказиши мумкин деб ҳисобланди ва комиссия ҳакамнинг қарорини нотўғри, деб ҳисоблаган.

“Қизилқум” — “Олимпик” беллашувининг 80-дақиқасида мезбонлар рақиб жарима майдонида хавфли вазият юзага келтирди. Бу вазиятда навоийликларнинг 8-рақамли футболчиси тўп учун курашда майдонга йиқилди. Бош ҳакам Тўрабек Суюнов VAR орқали ҳолатни ўрганганидан сўнг пенальтига ишора қилди.

Эксперт-ҳакамлар комиссияси қарорига биноан ушбу эпизодда ҳимоячи тўп учун курашга кирган ва пенальти учун етарли асос мавжуд эмас деб ҳисобланиб, комиссия ҳакамнинг қарори нотўғри бўлганини маълум қилган.

“Сурхон” — “Насаф” баҳсининг 90+1-дақиқасида номинал мезбонларнинг 17-рақамли футболчиси қаршиликлар жарима майдонида рақиби билан тўп учун курашда йиқилди. Бош ҳакам Илгиз Танташев эса VARдаги узоқ текширувдан кейин вазият пенальтига тортмаслигини қайд этди.

Эксперт-ҳакамлар комиссияси қарорига биноан бу ҳолатда ҳужумчи қулай вазиятга чиқиб бораётган бир вақтда ҳимоячи томонидан тўхтатиб қолинди. Шунингдек, меҳмонлар вакили биринчи тўпга эмас, рақибнинг оёғига зарба берди. Комиссия бу ҳолатда пенальти учун асос етарли деб ҳисоблайди ва комиссия ҳакамнинг қарорини нотўғри, деб топган. Мазкур вазият сабабли Илгиз Танташев чиқарган қарор қўмитага оширилган.

Қолган баҳсли вазиятларда эксспертиза комиссияси ҳакамлар қарорини қўллаб-қувватлаган.

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

22/12 00:45	Лечче	1-2	Лацио
22/12 01:00	Барселона	1-2	Атлетико
22/12 16:30	Рома	5-0	Парма
22/12 18:00	Валенсия	2-2	Алавес
22/12 19:00	Фулхэм	0-0	Саутгемптон
22/12 19:00	Лестер	0-3	Вулверхэмптон
22/12 19:00	Ман. Юнайтед	0-3	Борнмут
22/12 19:00	Эвертон	0-0	Челси
22/12 19:00	Венеция	2-1	Кальяри
22/12 20:15	Реал Мадрид	4-2	Севилья
22/12 21:30	Тоттенхэм	3-6	Ливерпуль
22/12 22:00	Аталанта	3-2	Эмполи
22/12 22:30	Леганес	2-5	Вильярреал
22/12 22:30	Лас-Пальмас	1-0	Эспаньол
23/12 00:45	Монца	1-2	Ювентус
23/12 01:00	Бетис	1-1	Райо Вальекано
23/12 22:30	Фиорентина	-	Удинезе
24/12 00:45	Интер	-	Комо

Эксперт ҳакамлар комиссияси қарори: Илгиз Танташев пенальти бермаган, Тўрабек Суюнов ва Султонмурод Абдураҳмонов ҳам хатога йўл қўйган (видео)

ЭНГ КЎП ЎҚИЛГАН ЯНГИЛИКЛАР