"Барселона" "Аталанта" ҳужумчиси Адемола Лукманга қизиқиш билдирмоқда, бу ҳақда аноним манбаларга таянган ҳолда Sport хабар берди.

Лукман Дублиндаги Европа Лигаси финалининг қаҳрамони бўлди, у немислар устидан 3:0 ҳисобида ғалабага эришилган оқшомда хет-трик қайд этди. 

Манбанинг хабарига кўра, Лукман финални томоша қилиш учун Дублинга келган "кўк-анорранглилар" спорт директори Деку ва клуб координатори Бояннинг эътиборини тортди.

У 2024/2025 йилларда каталонияликлар лойиҳаси учун қидирилган футболчининг профилига мос келади, чунки у иккала қанотда ҳам, ярим ҳимояда ҳам ўйнай олади.

26 ёшли футболчининг 2026 йил ўрталарига қадар шартномаси бор. Лукман Transfermarkt томонидан 32,5 миллион долларга (30 миллион евро) баҳоланган.