«Бетис» ҳимоячиси Шади Риад Англиянинг «Кристал Пэлас» клубига ўтишга яқин турибди. Бу ҳақда журналист Фабрицио Романо Х ижтимоий тармоғида (собиқ Twitter) хабар берди.
Манбага кўра, клублар марокашлик футболчининг белгиланган суммаси 14 миллион еврога трансфери бўйича оғзаки келишувга эришган, Риад тиббий кўрикдан ўтганидан сўнг, 5 йиллик шартнома имзолаши мумкин.
Олдинроқ «Барселона» Риаднинг «Бетис» билан шартномасидаги қайта сотиб олиш бандини фаоллаштиришни мақсад қилганди. Агар у каталонияликлар сафига қайтмаса, «Барса» Риаднинг трансферидан тушган пулнинг ярмини олади.
Эслатиб ўтамиз, 20 ёшли Шади Риад уч йил давомида (2019 йилдан 2022 йилгача) «Барселона» тизимида бўлган. Жорий мавсумда ҳимоячи «Бетис» сафида барча турнирларда 30 та ўйинда майдонга тушди.
