«Betis» himoyachisi Shadi Riad Angliyaning «Kristal Pelas» klubiga o‘tishga yaqin turibdi. Bu haqda jurnalist Fabrisio Romano X ijtimoiy tarmog‘ida (sobiq Twitter) xabar berdi.
Manbaga ko‘ra, klublar marokashlik futbolchining belgilangan summasi 14 million yevroga transferi bo‘yicha og‘zaki kelishuvga erishgan, Riad tibbiy ko‘rikdan o‘tganidan so‘ng, 5 yillik shartnoma imzolashi mumkin.
Oldinroq «Barselona» Riadning «Betis» bilan shartnomasidagi qayta sotib olish bandini faollashtirishni maqsad qilgandi. Agar u kataloniyaliklar safiga qaytmasa, «Barsa» Riadning transferidan tushgan pulning yarmini oladi.
Eslatib o‘tamiz, 20 yoshli Shadi Riad uch yil davomida (2019 yildan 2022 yilgacha) «Barselona» tizimida bo‘lgan. Joriy mavsumda himoyachi «Betis» safida barcha turnirlarda 30 ta o‘yinda maydonga tushdi.
