«Барселона» жорий мавсум якунланиши муносабати билан тадбир ўтказишни режалаштирмоқда, деб хабар беради "AS".

Манба берган хабарга кўра, мураббийлар жамоа учун хайрлашув кечаси ташкил қилишмоқда. Ғоя, об-ҳаво яхши бўлган ҳолатда, очиқ ҳавода барбекю қилишдир. Истисносиз бутун таркибнинг, ҳатто жароҳат олган футболчиларнинг, шунингдек, бутун мураббийлар штаби ва асосий жамоа аъзоларининг бўлиши кутилмоқда.

Қайд этилишича, «Барселона» президенти Жоан Лапорта ва клуб спорт директори Деку барбекюга бормайди. Хабар қилинишича, Лапорта бир ҳафтадан бери жамоа билан алоқа қилишдан қочмоқда.

«Барселона» Испания чемпионатининг мавсум якунига кўра иккинчи ўринни эгаллади. «Реал Мадрид» Ла Лига чемпионига айланди. Жамоалар ҳали Испания чемпионатининг сўнгги турини ўтказишлари керак.