"Реал" ва "Манчестер Юнайтед"нинг собиқ устози Жозе Моуриньо Саудия Арабистони чемпионатидан иш топиши мумкин. Бу ҳақда Talksport портали журналистлари хабар бермоқда.
Манба берган хабарга кўра, португалиялик мутахассис "Ал-Қодисия" клуби раҳбарлари билан музокара олиб борган.
Португалиялик шу йилнинг январ ойида "бўрилар"ни тарк этди. Ўшандан бери у ишсиз. Аввалроқ матбуотда Моуриньо хизматларига Туркия чемпионатининг икки вакили қизиқиш билдираётгани ҳақида хабарлар тарқалган эди. "Бешиктош" ва "Фенербахче" португалияликни ўз сафига қўшиб олмоқчи бўлган.
