"Real" va "Manchester Yunayted"ning sobiq ustozi Joze Mourinyo Saudiya Arabistoni chempionatidan ish topishi mumkin. Bu haqda Talksport portali jurnalistlari xabar bermoqda.

Manba bergan xabarga ko‘ra, portugaliyalik mutaxassis "Al-Qodisiya" klubi rahbarlari bilan muzokara olib borgan.

Portugaliyalik shu yilning yanvar oyida "bo‘rilar"ni tark etdi. O‘shandan beri u ishsiz. Avvalroq matbuotda Mourinyo xizmatlariga Turkiya chempionatining ikki vakili qiziqish bildirayotgani haqida xabarlar tarqalgan edi. "Beshiktosh" va "Fenerbaxche" portugaliyalikni o‘z safiga qo‘shib olmoqchi bo‘lgan.