Кейлор Навас энди Коста-Рика терма жамоасида ўйнамайди.
Мавсум якунида "ПСЖ"ни тарк этадиган дарвозабон терма жамоадаги фаолиятини ҳам якунлади.
“Биз биргаликда тарих яратдик, дунёнинг энг яхши футболчиларига қарши майдонга тушдик ва юртимиз номини юқори чўққиларга кўтардик”, деди 37 ёшли дарвозабон ижтимоий тармоқда эълон қилган видеомурожаатида.
Навас Коста-Рика терма жамоаси сафида 114 та ўйин ўтказди. 2014 йилги жаҳон чемпионатида у билан бирга бўлган жамоа илк бор чорак финалга чиқди.