Keylor Navas endi Kosta-Rika terma jamoasida o‘ynamaydi.
Mavsum yakunida "PSJ"ni tark etadigan darvozabon terma jamoadagi faoliyatini ham yakunladi.
“Biz birgalikda tarix yaratdik, dunyoning eng yaxshi futbolchilariga qarshi maydonga tushdik va yurtimiz nomini yuqori cho‘qqilarga ko‘tardik”, dedi 37 yoshli darvozabon ijtimoiy tarmoqda e’lon qilgan videomurojaatida.
Navas Kosta-Rika terma jamoasi safida 114 ta o‘yin o‘tkazdi. 2014 yilgi jahon chempionatida u bilan birga bo‘lgan jamoa ilk bor chorak finalga chiqdi.