"Челси" ярим ҳимоячиси Энцо Фернандес бўлажак Олимпиадада Аргентина терма жамоаси сафида бош соврин учун кураш олиб боришига умид қилмоқда.
23 ёшли аргентиналик футболчи жароҳати сабаб мавсумнинг катта қисмини ўтказиб юборди ва унинг тикланиши ҳали тўлиқ тугамади.
Шунга қарамай, ярим ҳимоячи июлдан августгача бўлиб ўтадиган Олимпиада турнирида ўз мамлакати жамоаси шарафини ҳимоя қилмоқчи.
"Мен Олимпиадада ўйнашни хоҳлайман. Мен Хавьер Маскерано (Аргентина олимпия терма жамоаси мураббийи) билан гаплашдим ва унга турнирга боришни хоҳлаётганимни айтдим.
Кўрамиз, "Челси" мени қўйиб юборадими", - деди 2022 йилда жаҳон чемпиони бўлган Энцо Фернандес ESPN телеканалига берган интервьюсида.
