Альваро Фернандес Каррерас ёзда "Манчестер Юнайтед"га қайтмайди.
"Бенфика" январь ойида ижарага олинган ҳимоячини тўлиқ сотиб олганини эълон қилди. У билан 2029 йилгача шартнома имзоланган.
Инсайдер Фабрицио Романонинг ёзишича, португалиялик футболчи учун 6 миллион евро тўлаган. Шунингдек, "Манчестер Юнайтед" испанияликни қайтариб сотиб олиш ва унга таклиф қилинган исталган суммани такрорлаш ҳуқуқига эга бўлади. Бундан ташқари, манкунианликлар футболчини қайта сотишдан тушган сумманинг бир қисмини олади.
Жорий мавсумда Фернандес Каррерас Португалия чемпионатида 11 та ўйин ўтказиб, 1 та гол урган.
