Испания чемпионатидаги ғалабадан сўнг, "Барселона" аёллари Европанинг энг яхши жамоаси унвонини ҳам қайтариб олдилар.
Бу Бильбаода, 50 мингдан ортиқ томошабин иштирокида содир бўлди. Лионлик қизлар дарвозасига "кўк-анорранглилар" жавобсиз иккита гол урди, Бонмати ва Алексия Путельяс голларга муаллифлик қилди.
"Барселона" учун бу аёллар ўртасидаги Чемпионлар лигасининг сўнгги тўрт мавсумдаги учинчи ғалабаси бўлди.