Мадриднинг “Реал” клуби бош мураббийи Карло Анчелотти Кепа Аррисабалага “Бетис” билан сўнгги Ла Лига ўйинида (0:0) ўйнашга рухсат берди. 

Defensa Central хабарига кўра, Карло Анчелотти баскни мукофотлашга ва "Челси"га қайтишдан олдин мухлислар билан хайрлашишга рухсат беришга қарор қилган.

Гап шундаки, Кепа 2023 йилнинг августида анча яхши молиявий шароитга эга бўлиб, “Бавария”га ўтиши мумкин эди, бироқ Куртуа жароҳат олгач, Аррисабалага дарҳол “Реал”га ижарага беришга рози бўлди.

Испаниялик футболчи асосий таркибдаги ўрин учун курашда Андрей Лунинга ютқазиб қўйганидан кейин эса захира ўриндиғида ўзини намунали тутиб, жамоасига қўлидан келганича ёрдам берди.

Шунингдек, Кепа Анчелоттининг бундай қароридан миннатдор бўлгани қайд этилган. "Мен буни ҳеч қачон унутмайман, сизга катта раҳмат", - дея Кепанинг сўзларини келтиради манба.