Испаниялик мутахассис Хави Эрнандес "Барселона"даги фаолиятини сарҳисоб қилди.
Унинг қўл остидаги сўнгги учрашувда "кўк-анорранглилар" меҳмонда “Севилья”ни 2:1 ҳисобида мағлуб этишди.
“Келажакда яна бу клубни бошқариш шараф бўларди. Футболчиларга садоқатлари учун миннатдорчилик билдираман.
Улар бутун мавсум давомида яхши ишлашди. Мавсумнинг кўп қисмида яхши футбол ўйнадик, аммо баъзи ўйинларда омадимиз келмади.
Шу боис жамоа совринларсиз қолиб кетди. Бу худди Америка пойгаси каби эди. Лекин мен ўз ишимдан фахрланаман ва давом этишни хоҳлардим", деди мураббий Barca Universal'га.
