«Шўртан» ҳамда «Сўғдиёна» клублари олий лигада шу кунгача жами 10 бор куч синашишган. Ўзаро ўйинлардаги натижалар ҳозирча тенг. Иккала жамоа ҳам 4тадан ўйинда ютишган, 2та ўйинда дуранг натижа қайд этилган. Тўплар нисбатида ҳам тенглик - 12:12. «Шўртан» ҳам, «Сўғдиёна» ҳам ўзаро ўйинларда 14тадан очкони қўлга киритган. Тенг натижаларга эришган бу икки жамоанинг энг йирик ҳисобдаги ғалабалари ҳам бир хил - 2:0.

2012 йил «Сўғдиёна» олий лигада иштирок этмаган. Шу боис бу жамоаларнинг охирги ўйини 2011 йилда бўлиб ўтган. Ўша йил Ғузорда бўлиб ўтган ўйинда майдон эгалари 3:2 ҳисобида зафар қучишган. Меҳмонлар сафида Собир Ҳамидов ва Расул Ҳайитов гол уришган бўлса, ғузорликлар таркибида Предраг Вуйович, Жаъфар Ирисметов ва Игорь Таран ўзларини кўрсатишган. Қизиғи, Жиззахдаги ўйинда ҳам 3:2 ҳисобида «Шўртан» ғалаба қозонган. Майдон эгалари сафида Баҳодир Пардаев дублга эришган. Меҳмонлардан Игорь Таран ҳам иккита гол урган, яна битта голни Шаҳбоз Эркинов ўз ҳисобига ёзиб қўйган.

18.06.2005. Сўғдиёна – Шўртан - 2:1
27.08.2005. Шўртан – Сўғдиёна - 2:0
08.04.2006. Сўғдиёна – Шўртан - 0:0
30.09.2006. Шўртан – Сўғдиёна - 0:1
04.04.2008. Шўртан – Сўғдиёна - 0:2
08.11.2008. Сўғдиёна – Шўртан - 2:1
04.04.2009. Шўртан – Сўғдиёна - 2:1
24.10.2009. Сўғдиёна - Шўртан - 0:0
20.06.2011. Шўртан - Сўғдиёна - 3:2
30.07.2011. Сўғдиёна - Шўртан - 2:3