"Арсенал" бош мураббийи Микель Артета "Манчестер Юнайтед" футболчиларидан бирига қизиқмоқда. Испаниялик мутахассис бор эътиборини “қизил иблислар” ҳужумчиси Маркус Рэшфордга қаратмоқда.

Британия матбуоти хабарига кўра, Артета форвард билан боғланиб, у билан "канонирлар" сафига ўтиш борасида эҳтимолий трансферни муҳокама қилган. "Манкунианликлар" ўз навбатида футболчини рақибга сотишни исташмаяпти. Маркуснинг "манкунианликлар" билан шартномаси 2028 йилнинг ўрталарига қадар тузилган.

Transfermarkt портали ҳужумчининг нархини 60 миллион еврога баҳоламоқда. Ўтган мавсумда Премьер-лигада Рэшфорд 33 та ўйинда майдонга тушиб, 7 та гол урди ва 2 та голли узатмани амалга оширди.