"Реал" ҳужумчиси Винисиус Жуниор баъзи саволларга жавоб берди. Бразилиялик футболчи ўз ўйинига жамоа бош мураббийи Карло Анчелотти таъсирини қайд этди.
"Карло мени ўзгартирди. У менга бошқача ўйнашни ўргатди. У доим менга кўпроқ гол уришим мумкинлигини айтган", - дея Винисиус сўзларини келтирмоқда AS.
Винисиус 2024 йилда “Олтин тўп”ни қўлга киритадиган футболчи номини ҳам айтиб ўтди.
"Олтин тўп" Беллингемга берилади", - деди Винисиус.
Мадриднинг “Реал” клуби айни дамда Чемпионлар лигаси финалида Дортмунднинг “Боруссия” жамоасига қарши ўйинга тайёргарлик кўрмоқда. Жамоалар 1 июнь, шанба куни майдонга тушади.
