"Реал" ва "Тоттенхэм"нинг собиқ ярим ҳимоячиси Гарет Бэйл ВАР тизими ҳақида фикр билдирди.
"Бу тизим футболдаги қарама-қаршиликларни бартараф қилиши керак эди, аммо бу вазиятни янада оғирлаштирди. Мен инсон хатоси омилини афзал кўраман. Такрор лавҳада ҳамма нарса реал вақтдагидан фарқ қилади. Тасвирни секинлаштирсангиз, тўп қўлга тегиши ҳақиқий ҳаётдан кўра аниқроқ кўринади. Бу менга ёқмайди. Мен футболда ВАР қўлланилишини истамайман", - деди уэльслик собиқ футболчи.
Эслатиб ўтамиз, Бэйл футболчилик фаолиятини якунлади. Унинг сўнгги клуби АҚШнинг "Лос-Анжелес" клуби бўлди.
