Саудия Арабистони чемпионати якунланди. Ўтган турда “Ан-Наср” жамоаси “Ал-Иттиҳод”ни 4:2 ҳисобида мағлуб этди. Юлдуз ҳужумчи Криштиану Роналду сўнгги учрашувда дубл қайд этди.
Португалиялик футболчи бир мавсумда 35 та гол уриб, Саудия чемпионатининг янги рекордини ўрнатди. Ўйиндан кўп ўтмай Роналду ижтимоий тармоқларда ўзининг янги рекордига бағишланган пост қолдирди.
"Мен рекордлар ортидан қувмаяпман, улар мени таъқиб қилмоқда", - деди Роналду.
Роналду “Ан-Наср”да бир ярим йилдан бери тўп тепмоқда. 39 ёшли форварднинг Саудия клуби билан амалдаги шартномаси 2024/2025 йилги мавсум охиригача амал қилади.
