Saudiya Arabistoni chempionati yakunlandi. O‘tgan turda “An-Nasr” jamoasi “Al-Ittihod”ni 4:2 hisobida mag‘lub etdi. Yulduz hujumchi Krishtianu Ronaldu so‘nggi uchrashuvda dubl qayd etdi.
Portugaliyalik futbolchi bir mavsumda 35 ta gol urib, Saudiya chempionatining yangi rekordini o‘rnatdi. O‘yindan ko‘p o‘tmay Ronaldu ijtimoiy tarmoqlarda o‘zining yangi rekordiga bag‘ishlangan post qoldirdi.
"Men rekordlar ortidan quvmayapman, ular meni ta’qib qilmoqda", - dedi Ronaldu.
Ronaldu “An-Nasr”da bir yarim yildan beri to‘p tepmoqda. 39 yoshli forvardning Saudiya klubi bilan amaldagi shartnomasi 2024/2025 yilgi mavsum oxirigacha amal qiladi.
