Мадриднинг “Реал” клуби ярим ҳимоячиси Федерико Вальверде саккизинчи рақамни Тони Кроосдан мерос қилиб олиши мумкин. Германиялик ярим ҳимоячи жорий мавсум охирида 34 ёшида фаолиятини якунлайди. Ўйинчи кетганидан кейин саккизинчи рақам бўш қолади, эҳтимол Вальверде уни олади.
"Мен саккизинчи рақамни кийишдан мамнун бўлардим. Аллақачон Тони билан бу ҳақда гаплашганман. Рақам мен учун унчалик муҳим эмас, муҳими унинг ўзи менга бу рақамни бермоқчи. Унинг қилган ишини жуда қадрлайман", - дейди 25 ёшли уругвайлик футболчи.
Немиснинг "Реал" учун фақат битта ўйини қолди. Бу 1 июн куни бўлиб ўтадиган "Боруссия Дортмунд"га қарши Чемпионлар лигаси финали.
