«Ан-Наср» ва Криштиану Роналду шартномани узайтириши мумкин.
Форварднинг амалдаги шартномаси 2025 йилнинг ёзига қадар мўлжалланган. "talkSport" хабарига кўра, Саудия клуби Роналду билан шартномасини яна бир йилга - 2026 йилгача узайтириш бўйича музокара олиб боришни режалаштирмоқда. Криштиану бундай таклифга очиқ. Агар шартнома узайтирилса, у иш ҳақини оширади. Ҳозирда унга бонусларни ҳисобга олмаганда 200 миллион евро тўланади.
Роналду билан шартномани узайтириш устувор вазифа сифатида қаралмоқда. Саудия Арабистони лигаси 2025 йилда телевидение билан шартномани узайтириш бўйича музокаралар олиб бориши кераклигини инобатга олган ҳолда, ҳужумчини сақлаб қолиш зарур, деб ҳисобламоқда.
Агар унинг шартномаси узайтирилса, Роналду камида 41 ёшга тўлгунича футболда қолади. Қолаверса, «Ан-Наср» билан янги келишув унга 2026 йилги жаҳон чемпионатига бориш имкониятини бериши мумкин.
Ўтган мавсумда Роналду Саудия Арабистони чемпионатининг 31 та ўйинида 35 та гол уриб, бир мавсумдаги голлар рекордини янгилади.
