"Бавария"нинг собиқ футболчиси ва директорлар кенгаши аъзоси Карл-Хайнц Румменигге "Интер"даги вазият ҳақида гапирди.

"А Серияни муддатидан аввал ютган ва иккинчи юлдузини қўлга киритган "Интер"ни табриклаш керак. Бу жамоада яхши ўйинчилар кўп, лекин менга Лаутаро доим ёқарди. У муҳим роль ўйнайди. Ишончим комилки, менинг дўстим Беппе Маротта охир-оқибат шартномасини узайтира олади", - деди Румменигге Sky Sport нашрига.

Лаутаро Мартинеснинг "Интер" билан амалдаги шартномаси 2026 йилгача мўлжалланган. Ушбу мавсумда аргентиналик футболчи А Сериянинг энг яхши тўпурари бўлди ва лиганинг энг яхши футболчиси сифатида тан олинди.