IBA расмий сайтида хабар қилинишича, Париж-2024 Олимпия ўйинларининг бокс беллашувлари учун соврин жамғармаси 3,1 миллион доллардан ортиқ бўлиб, 100 дан ортиқ боксчилар ўртасида тақсимланиши режалаштирилган.
Олтин медални қўлга киритган спортчи 50 000 доллар олиши белгиланди, унинг миллий федерацияси ва мураббийи 25 000 доллардан ишлаб олади.
Кумуш медал совриндори 25 000 доллар, бронза медали соҳиблари эса 12 500 доллар мукофот пулига эга чиқади.
Шунингдек, чорак финалда мағлуб бўлган ва бешинчи ўринни эгаллаган спортчилар 10 000 АҚШ доллари миқдорида мукофот олишлари қайд этилган.
Маълумот учун, халқаро бокс федерацияси президенти Умар Кремлёв ушбу ташаббус билан чиққан бўлиб, бу спорт тури биринчилардан бўлиб олимпиада чемпионларини мукофотлаш тизимини йўлга қўйди. Биринчи бўлиб ушбу ишни халқаро енгил атлетика федерацияси бошлаб бергани эди.
