IBA rasmiy saytida xabar qilinishicha, Parij-2024 Olimpiya o‘yinlarining boks bellashuvlari uchun sovrin jamg‘armasi 3,1 million dollardan ortiq bo‘lib, 100 dan ortiq bokschilar o‘rtasida taqsimlanishi rejalashtirilgan.
Oltin medalni qo‘lga kiritgan sportchi 50 000 dollar olishi belgilandi, uning milliy federasiyasi va murabbiyi 25 000 dollardan ishlab oladi.
Kumush medal sovrindori 25 000 dollar, bronza medali sohiblari esa 12 500 dollar mukofot puliga ega chiqadi.
Shuningdek, chorak finalda mag‘lub bo‘lgan va beshinchi o‘rinni egallagan sportchilar 10 000 AQSH dollari miqdorida mukofot olishlari qayd etilgan.
Ma’lumot uchun, xalqaro boks federasiyasi prezidenti Umar Kremlyov ushbu tashabbus bilan chiqqan bo‘lib, bu sport turi birinchilardan bo‘lib olimpiada chempionlarini mukofotlash tizimini yo‘lga qo‘ydi. Birinchi bo‘lib ushbu ishni xalqaro yengil atletika federasiyasi boshlab bergani edi.
