Ҳужумчи Килиан Мбаппе яқинда "ПСЖ"ни тарк этишини эълон қилди.
Футболчи ёзда “Реал” билан шартнома имзолаши кутилмоқда. 25 ёшли франциялик футболчи Чемпионлар лигаси финалида “Боруссия”га қарши ўйинда мадридликларни қўллаб-қувватлайсизми, деган саволга жавоб берди.
“Йўқ, мен ҳам сиз каби финални оддий томоша қиламан. Агар сиз футболни яхши кўрсангиз, ҳар бир ўйинни томоша қиласиз. Имконият бўлганда кўп ўйинларни томоша қиламан. Мен Франция, Англия, Испания, Германия, Италия чемпионатлари ўйинларини томоша қиламан... Албатта, Чемпионлар лигаси финали ҳам бундан мустасно эмас”, — деди Мбаппе CNN Sport'га.
