Ўзбекистон миллий терма жамоаси Ливанга қарши ўйинни янги "Бунёдкор" стадионида ўтказди. Бу терма жамоамизнинг юртимизда ўйнаган 7-стадиони бўлди. Бунгача терма жамоамиз - "Пахтакор", МҲСК, "Динамо" (Самарқанд), "НБУ-Осиё", "Насаф" (Қарши) ва "Жар" стадионларида тўп сурган эди. Бу ҳақда Stadion.uz ходими томонидан юритиладиган Твиттердаги Ўзбекистон терма жамоа саҳифаси хабар тарқатди.

Янги стадиондаги илк ўйинда терма жамоамиз ютди. Умуман олганда, ҳар сафар юртимиздаги терма учун янги бўлган стадионларда биз ижобий натижа қайд этганмиз. Фақат бир марта дуранг ва бир марта мағлубият қайд этилган. Янги стадионлардаги ўйинлар статистикаси: 4 ғалаба, 1 дуранг, 1 мағлубият.

Илк ўйинлардаги ғалабалар:
19.06.96. МҲСК. Ўзбекистон - Тожикистон - 5:0
11.07.99. "Динамо". Ўзбекистон - Малайзия - 3:0
29.02.00. "НБУ-Осиё". Ўзбекистон - Мўғулистон - 8:1
26.03.2013. "Бунёдкор". Ўзбекистон - Ливан - 1:0

Янги стадиондаги омадсиз ўйинлар:
07.02.2007. "Насаф". Ўзбекистон-Озарбайжон - 0:0
03.06.2012. "Жар". Ўзбекистон - Эрон - 0:1

Миллий терма жамоамиз энг кўп ўйинни "Пахтакор" стадионида ўтказган — 51та ўйин. Бошқа стадионларда ўтказилган ўйинлар сони қуйидагича: МҲСК - 8, "Жар" - 3, "Динамо" - 2, "НБУ-Осиё" - 1, "Насаф" - 1 ўйин.