"Бавария"нинг собиқ бош мураббийи Томас Тухель янги мавсум бошланишидан олдин тезроқ ишга қайтиш ниятида. Журналист Фабрицио Романонинг фикрича, германиялик мутахассис янги жамоани анча тез қабул қилиб олади, аммо бунинг учун унга муносиб таклиф олиш керак.
Агар "Манчестер Юнайтед" Эрик тен Хагни истеъфога чиқаришга қарор қилса, Тухель "Манчестер Юнайтед"нинг янги бош мураббийи лавозимига номзодлар рўйхатида бўлиши кутилмоқда. Қайд этилишича, Томаснинг устувор вазифаси Англия Премьер-лигасига қайтиш.
Эслатиб ўтамиз, ўтган мавсум Тухель "Бавария" билан бирорта ҳам соврин юта олмаганди.
