Суперлига 10-туридан ўрин олган "Динамо" – "Қизилқум" (2:0) учрашувидан сўнг меҳмонлар бош мураббийи Жамшид Саидов ўз фикрларини билдириб ўтди.

Афсуски, 0:2 ҳисобида имкониятни бердик. 12-13-дақиқада ҳисобда олдинга чиқишимиз ҳам мумкин эди, аммо биз гол кирита олмадик ва бизга киритишди. Албатта, белгиланган иккита пенальти жамоага таъсир қилди.

Жўрабеков жароҳат олди ва шу сабабли захирага олинди. Йигитлар чарчаб қолишган эди ва уларнинг ўрнига ёшларни майдонга туширдим.

"Динамо" ҳимояда яхши ўйин кўрсатади. Самарқандликлар қарши ҳужумларда ҳам хавфли. Ҳозир барча жамоалар бир-бирини яхши билади. Бугун омад биз томонда бўлмади.

Уй учрашувларини бошқа стадионда ўтказаётганимиз ҳам катта рол ўйнамоқда. Уйда деворлар ҳам ёрдам беради, деб бежиз айтишмайди. Барча беллашувларни сафарда ўтказяпмиз. Бу жуда ҳам қийин.