Superliga 10-turidan o‘rin olgan "Dinamo" – "Qizilqum" (2:0) uchrashuvidan so‘ng mehmonlar bosh murabbiyi Jamshid Saidov o‘z fikrlarini bildirib o‘tdi.

Afsuski, 0:2 hisobida imkoniyatni berdik. 12-13-daqiqada hisobda oldinga chiqishimiz ham mumkin edi, ammo biz gol kirita olmadik va bizga kiritishdi. Albatta, belgilangan ikkita penalti jamoaga ta’sir qildi.

Jo‘rabekov jarohat oldi va shu sababli zaxiraga olindi. Yigitlar charchab qolishgan edi va ularning o‘rniga yoshlarni maydonga tushirdim.

"Dinamo" himoyada yaxshi o‘yin ko‘rsatadi. Samarqandliklar qarshi hujumlarda ham xavfli. Hozir barcha jamoalar bir-birini yaxshi biladi. Bugun omad biz tomonda bo‘lmadi.

Uy uchrashuvlarini boshqa stadionda o‘tkazayotganimiz ham katta rol o‘ynamoqda. Uyda devorlar ham yordam beradi, deb bejiz aytishmaydi. Barcha bellashuvlarni safarda o‘tkazyapmiz. Bu juda ham qiyin.