Мадридликлар устози Карло Анчелотти «қаймоқранглилар» футболчиси Родригога бошқа клублардан қизиқиш борлиги ҳақида гапирди.

Аввалроқ бразилиялик футболчига «Манчестер Сити» қизиқаётгани ҳақида хабарлар тарқалган эди. Келаётган ёзда ҳужумчи Килиан Мбаппе жамоага қўшилганидан сўнг, Родриго жамоадаги ўрнидан хавотирда эканлиги ҳақида маълумотлар бор.

«Мен футболчиларимга ишонаман, Родриго улардан бири. У «Реал Мадрид» учун жуда муҳим футболчи бўлган ва шундай бўлиб қолади. Ҳеч қандай ўзгаришлар йўқ», - дея италиялик мутахассисдан иқтибос келтиради "AS".

Жорий мавсумда Родриго клуб сафида барча мусобақаларда 50 та ўйинда майдонга тушиб, 17 та голга муаллифлик қилган.