Инсайдер Николо Скира Антонио Конте ва "Наполи" ўртасидаги келишув тафсилотларини ошкор қилди.
54 ёшли италиялик мутахассиси йилига 6,5 миллион евро маош олади.
Бонуслар ҳам тақдим этилади - Чемпионлар лигасига чиқиш учун 2 миллион евро ва Италия чемпионатида ғалаба қозониш учун 1 миллион евро.
Фабрицио Романо аввалроқ Конте "Наполи"ни бошқаришга киришгани ҳақида хабар берган эди, бироқ бу ҳақда ҳали расман эълон қилинмаганди.
Контенинг сўнгги иш жойи "Тоттенхэм" бўлган. Бунгача мутахассис "Аретссо", "Бари", "Аталанта", "Сиена", "Ювентус", Италия терма жамоаси, "Челси" ва "Интер" клубларини бошқарган.
"Наполи" жорий мавсумда Чемпионлар лигасининг 1/8 финалига чиқди ва А Серия турнир жадвалида 10-ўринни эгаллади.
