Мадриднинг “Реал” клуби ярим ҳимоячиси Эдуардо Камавинга келаси мавсумда 6-рақамли футболкани кийиш истагини билдирди. Бу ҳақда Madrid Universal хабар берди.

Жамоанинг амалдаги сардори, олтинчи рақамдаги ҳимоячи Начо ёзда клубни тарк этиши кутилмоқда. Агар испаниялик футболчи кетса, Камавинга Франция терма жамоасида ўйнайдиган ушбу рақамни олади.

Камавинга ўз фаолиятидаги муҳим босқичга тайёргарлик кўрмоқда: унинг бошланғич таркибдаги биринчи Чемпионлар лигаси финали. Аурелиен Тчуамени жароҳат олган ва ўйнай олмагани сабабли, Камавинганинг асосий таркибда майдонга тушиши деярли аниққа ўхшамоқда.