"Наполи" хўжайини Аурелио де Лаурентис жамоанинг грузиялик ярим ҳимоячиси Хвича Кварацхелиянинг режалари ҳақида қарор қабул қилди.
Журналист Фабрицио Романонинг маълум қилишича, де Лаурентис клуб етакчиларидан бирини сотиш вариантини кўриб чиқмаяпти. Франциянинг "ПСЖ" клуби футболчисига фаол қизиқиш билдираётган бир пайтда президент Кварацхелияга янги меҳнат шартномаси таклиф қилмоқчи.
Олдинроқ парижликлар Хвича билан шартнома шартлари бўйича келишиб олгани, аммо якуний сўз неаполликларда қолгани ҳақида хабар берилганди. Кварацхелия ва "Наполи" ўртасидаги меҳнат шартномаси муддати 2027 йилнинг ёзигача ҳисобланган.
Transfermarkt портали грузиялик футболчининг нархини 80 миллион еврога баҳоламоқда.
