"Манчестер Сити" бош мураббийи Пеп Гвардиола ёзги трансфер ойнасида жамоаси таркибини кучайтирмоқчи.
Todofichajes портали хабар беришича, испаниялик мураббий ҳозирда "Реал Мадрид"да ўйнаётган бразилиялик ҳужумчи Родригони ўз сафига қўшиб олишни мақсад қилган.
"Шаҳарликлар" яқин ойларда юқори даражадаги трансферни расмийлаштиришга ҳаракат қилишади. Родригонинг потенциал трансфери миқдори тахминан 100 миллион еврони ташкил қилиши мумкин.
Унинг "Лос-Бланкос" билан шартномаси 2028 йилнинг июнь ойи охиригача амал қилади. 23 ёшли бразилиялик футболчи ўтган мавсумда Ла Лигада 34 та ўйинда майдонга тушди. Ҳужумчи 10 та гол урди ва бешта голли узатмани амалга оширди.
