Бирмингемнинг "Астон Вилла" клуби ўзининг 150 йиллигига бағишланган янги эмблемасини тақдим этди.
Клуб думалоқ дизайндан воз кечиб, марказда шер тасвирланган қалқонга қайтишга қарор қилди. Бироқ, энди логотипнинг пастки қисмидаги қисқартма ўрнига жамоанинг тўлиқ номи кўрсатилган.
Шернинг сариқ ранги ҳам қайтарилди. Эслатиб ўтамиз, ўтган мавсумда Унаи Эмери бошчилигида "Астон Вилла" Премьер-лигада тўртинчи ўринни эгаллаган эди.
Бу виллаликларга келаси мавсумда УEФА Чемпионлар лигасида қатнашиш ҳуқуқини берди. Конференциялар лигасида Бирмингем клуби ярим финалга чиқди ва у ерда "Олимпиакос" жамоасига ютқазди.
