Мадриднинг «Реал» клуби Чемпионлар лигаси финалида Дортмунднинг «Боруссия» жамоасини мағлуб этди (2:0).
Учрашувдаги голларга Даниэль Карвахаль ва Винисиус Жуниор муаллифлик қилишди. «Реал» ушбу турнирдаги 15-ғалабасини қўлга киритди (Европа чемпионлар кубогидаги совринлар ҳам ҳисобланган).
«Лос-Бланкос» охирги марта 1983 йилда еврокубоклар финалида мағлуб бўлган. Ўшанда Кубок эгалари кубогининг ҳал қилувчи баҳсида Алекс Фергюсон мураббийлигидаги «Абердин»га имкониятни бой берилган (1:2).