Франциялик футболчи “Реал” ҳужумчиси Винисиус Жуниорнинг суратини ижтимоий саҳифасига жойлаштирди ва унга “Олтин тўп”, деб изоҳ қолдирди.
Яъни, Бензема Винисиус футбол оламидаги асосий индивидуал совринни қўлга киритиши керак, деб ҳисобламоқда. Шанба куни бразилиялик футболчи Чемпионлар лигаси финалида Дортмунднинг “Боруссия”сига қарши ўйинда гол урди (“Реал” 2:0 ҳисобида ғалаба қозонди).
Бенземанинг ўзи 2022 йилда “Олтин тўп”ни қўлга киритганди. 2022/2023 йилги мавсум якунида Карим Саудия Арабистонига йўл олди ва у ерда "Ал-Иттиҳод" билан шартнома имзолади.
