Fransiyalik futbolchi “Real” hujumchisi Vinisius Juniorning suratini ijtimoiy sahifasiga joylashtirdi va unga “Oltin to‘p”, deb izoh qoldirdi.
Ya’ni, Benzema Vinisius futbol olamidagi asosiy individual sovrinni qo‘lga kiritishi kerak, deb hisoblamoqda. Shanba kuni braziliyalik futbolchi Chempionlar ligasi finalida Dortmundning “Borussiya”siga qarshi o‘yinda gol urdi (“Real” 2:0 hisobida g‘alaba qozondi).
Benzemaning o‘zi 2022 yilda “Oltin to‘p”ni qo‘lga kiritgandi. 2022/2023 yilgi mavsum yakunida Karim Saudiya Arabistoniga yo‘l oldi va u yerda "Al-Ittihod" bilan shartnoma imzoladi.