Ярим ҳимоячи Лука Модрич "Реал" билан шартнома имзолади. Бу ҳақда The Athletic нашри хабар бермоқда.

Янги шартномаси хорватиялик футболчини Мадрид клуби билан 2025 йилнинг ўрталарига қадар боғлайди. Манбанинг хабарига кўра, Модрич маошини камайтиришга рози бўлган. Илгари хорватиялик футболчининг маоши жамоадаги энг юқори маошлардан бири эди. Лука Модрич сентябрь ойида 39 ёшини нишонлайди. Бироқ, афтидан, хорватиялик ярим ҳимоячи "Реал Мадрид"га фойда келтиришда давом этиш учун ўзида куч сезмоқда. Шу билан бирга, 2023/2024 йилги мавсумда Модрич энди аввалгидек кўп ўйин ўтказа олмади.